Dil bhii karataa hai yaad chhup ke tujhe

 

Dil bhii karataa hai yaad chhup ke tujhe
Naam leti nahi zubaan tera..

 

Kii se poochonga mein khabar teri
Kaun batlaaiga, nishaan tera..

 

Teri Ruswaaiyo(n) se darrta hoon,

Jab tere shehar se guzarta hoon

 

Haal-e-dil bhi na keh sakaa gar`che

Tu rahi muddato(n) kareeb mere

 

Tum mujhe Chod ke chali bhi gayee…

Khair kismat meri, naseeb mere

 

Aab mein kyon tujhko yaad karta hoon!

Jab tere shehar se guzarta hoon…

 

Vo Zamaana teri mohabbat ka…

Ek bhooli huwi kahani hai

 

Kis tamanna se tujhko chahaa thaa…

Kis mohabbat se haar maani hai

 

Apni Kismat pe naaz karta hoon,

Jab tere shehar se guzarta hoon

 


Na Shikaayate(n) na Gilaa Kare!

 

Na Shikaayate(n) na gilaa Kare,

Koi aisa shaks huwa kare!

 

Jo mere liye hi sajaa kare!

Mujh hi se baate(n) kiya kare…

 

Kabhi roye jaae voh be-panah,

Kabhi be-tahaasha udaas ho,

 

Kabhi chupke chupke dabe qadam,

Mere peechay aa ke hansaa kare

 

Meri Qurbate(n) meri Chaahate(n)

Koi yaad kare qadam-qadam

 

Mein Taveel safar mein hoon agar,

Meri waapsi ki duaa kare….


 

 

 Har Be-Zubaan ko Sho`la Nawa, keh liya karo!

Har baizabaN ko sho'la-nawa keh lia karo

yaro sukoot hi ko sada keh lia karo

 

Khud ko fareb do kay na ho talkh zindagi

har sangdil ko jaan-e-vafa keh lia karo

 

Yaro ye daur, zauf-e-basarat ka daur hay

Aandhi uthay to is ko ghata keh lia karo

 

Insan ka agar qad-o-qamat na baDh sakay

tum is ko nuqs-e-aab-o-hawa keh dia karo

 

Apnay liay ab aik hi raah-e-najaat hay

har zulm ko raza-e-Khuda keh lia karo

 

Lay day kay ab yahi hay nishan-e-zia Qateel

jab dil jalay to usko dia keh lia karo


 Jab Meri Hakeekat ja ja kar

Jab meri haqeekat ja ja kar, unko jo sunayee logon nay,
Kuch sach bhi kaha kuch jooth kaha, kuch baat banayee logon nay !

Dayain hain hamesha zulm-o-sitam, duniya nay mohabaat waalon par,
Do dil ko kabhi milnay na diya, deewaar uthayee logon nay !

Aankhon say na aansoo poch sakey, hothon pay khushi dekhi na gayee,
Aabaad jo dekha ghar mera, to aag lagayee logon nay !

Tanhayee ka saathi mil na saka, rusvai mein shaamil shaher hua,
Pehlay to mera dil tod diya, phir Eid manayee logon nay !

Is daur mein jeena mushkil hai, ae `Ashq' koi aasaan nahin,
Har ik kadam par marnay ki, ab rasam chalayee logon nay !


 Khuli jo aankh to woh tha na woh zamaana tha

Khuli jo aankh to woh tha na woh zamaana tha,
Dehakti aag thi tanhayee thi fasaana tha !

Gamon nay baant liya hai mujhay yun aapas mein,
Ki jaisay main koi loota hua khazana tha !

Yeh kya ki chand hi kadmon pay thak kay baith gayey,
Tumhay to saath mera door tak nibhana tha !

Mujhay jo meray lahoo mein bigo kay guzra hai,
Woh koi gair nahin yaar ik purana tha !


 

 

KahiN shair-o-naghma ban ke kahiN aasuoaN meN dhal ke
Khumar barabankavi

KahiN shair-o-naghma ban ke kahiN aasuoaN meN dhal ke
Woh mujhe mile to laiken mile soorateN badal ke

Yeh wafa ki sakht raheN, yeh tumhaare paae nazuk
Na lo inteqaam mujh se, mere saath saath chal ke

Wahi aankh bebaha hai jo ghamae-jahaN meN roaye
Wahi jam jam-e-jum jo baghair-e-farq chalke

Yeh chirag-e-anjuman to haiN eak shub ke mehmaaN
Tu jala woh shamma aiy dil jo bujhe kabhi na jal ke

Na to hoash se taarruf, na junooN se aashnai
Yeh kahaN pahunch gaye hum teri bazm se nikal ke

Koi aiy Khumaar unko mere shair nazr karde
Jo mukhalifeen-e-mukhlis nahiN motarif ghazal ke


 Nahi ki milane milaane kaa sil-silaa rakhanaa

Nahi ke milne milaane ka silsila rakhna

Kisi bhi satah pe koi to raab`taa rakhna

 

Madad ki tum se tawakko to khair kya hogi…

Ghareeb-e-shahar-e-sitam hoon, mera pataa rakhna

 

Marenge aur hamaare siwa bhi tum pe bahot

Ye jurm hai to phir is jurm ki saza rakhna

 

Naye safar pe rawaana huwa hai az-sar-e-nau

Jab aaoonga to mera naam bhi naya rakhna

 

Hisaar-e-shauk utthaana "Zafar" zarorr magar

Kisi tarf se nikalne ka raasta rakhna


 mom kii zindagi ghulaa karanaa

Bashir Badr

Mom ki zindgi ghulaa karna!

Kuch kisi se na Taskara karna

 

Mera bachpan thaa aainay jaisa

Har khilone ka moo, taka karna

 

Chehraa chehraa meri kitaabe(n) hai…

Padhne walo! Mujhe padhaa karna

 

Ye Riwaayat bahot puraani hai

Neend mein rait par chala karna!

 

Raate mein kayee khandhar honge!

Shah-Sawaaro(n) waha ruka karna

 

Jab bahot hans chuko to chehray ko!

Aansoo(n) se bhi dho liya karna

 

Phool Shaakho(n) ke ho, ki aankho ke…

Raaste raaste chunaa karna!


 

 Kisi Kali ne bhi dekha na aankh bhar ke mujhe

Kisi kali ne bhi dekha na aankh bhar ke mujhe!

Guzar gaya jaras-e-gul udaas kar ke mujhe…

 

Mein so raha thaa kisi yaad ke shabistaan mein…

Jaga ke Chod gaye qaafile sahar ke mujhe!

 

Mein ro raha thaa mukaddar ki sakht raaho(n) mein

Udaa ke le gaya jadoo teri nazar ka mujhe…

 

Mein teri dard ki tugiyaaniyo(n) mien doob gaya

Pukaarte rahe taare ubhar ubhar ke mujhe!

 

Tere Firaak ki raate(n) bhi na bhoolengi mujhe!

Maza milay inhi raato(n) mein umr bhar ke mujhe

 

Zara si dair theharnay de ai gham-e-duniyaa

Bulaa raha hai koi baam se uttar ke mujhe

 

Phir aaj aai thee ek mauj-e-hawaa-e-tarab

Sunaa gayee hai fasaane idhar udhar ke mujhe!


 Bazm-e-dushman mein bulaate ho, ye kya karte ho?

bazm-e-dushman me.n bulaate ho ye kyaa karate ho
aur phir aankh churaate ho ye kyaa karate ho

 

baad mere ko_ii mujh saa na milegaa tum ko
Khaak mein kis ko milaate ho ye kyaa karate ho

cheentay paani ke na do, neend bhari aankho(n) par

sote fitne ko jagaate ho ye kyaa karate ho

 

ham to dete nahi kyaa ye bhi zabardastii hai
chheen kar dil liye jaate ho ye kyaa karate ho

ho na jaai kahi daaman kaa churaanaa mushkil !
mujh ko deewaana banaate ho ye kyaa karate ho ?


 Aaj Ki raat bhi guzri hai meri kal ki tarha

aaj kii raat bhii guzarii hai merii kal ki tarha
haath aaye na sitaare tere aa.nchal ki tarha

raat jalatii huwi ek aisii chitaa hai jis par
terii yaade(n) hai(n) sulaghte huye sandal ki tarha

tu ki dariyaa hai magar merii tarah pyaasaa hai
mein tere paas chalaa aaoonga baadal kii tarha

mein hoon ik Khwaab magar, jaagatii aankho(n) ka "Ameer"
aaj bhii log gavaa(n) de na mujhe kal kii tarah


 Dil mein kis darjaa be-dilee hai abhi

Dil mein is darjaa be-dili hai abhi

Har khushi jaise ajnabi hai abhi..

 

Phir Badhe hai kadam teri jaanib

Tere gham mein bhi dil-kashi hai abhi

 

Mein bhi tujh se bichaad ke sar-gardan

Teri aankho mein bhi nami hai abhi

 

Mein ne manaa bahot andhera hai

Phir bhi thodi si raushni hai abhi


 Angdaai bhi vo lene na paai, uthaa ke haath!

 

Ang`daai bhi vo lene na paya utthaa ke haath

dekhaa mujhe to chho.D diye muskuraa ke haath

 

Be-saakhtaa nigaahe jo aapas mein mil gayee…

Kyaa mooh pe us ne rakh liye aankhe(n) churaa ke haath

 

Vo zaano(n) pe seena chupana simat ke haai!

Aur phir sambhaalnaa vo dupataa, churdaa ke haath..

 

Dena vo uska saaghar-e-may yaad hai "Nizaam"

Mooh pher ke udhar ko, idhar ko badhaa ke haath


 Phirate huye kisii kii nazar dekhate rahe

Phir`tay huwe kisi ki nazar dekhte rahe

Dil khoon ho raha thaa magar dekhte rahe

 

Kuch din ye bhi rang raha intezaar mein..

Aankh utth gayee jidhar, bas udhar dekhte rahe..

 

Jab aashiyaan ki yaad aseeri mein aa gayee…

Udd`tay huwe havaa mein sharar dekhte rahe..

 

Suntay rahi ki dekh liya jalwa be-hijaab

Apna bhi sab fareb-e-nazar dekhte rahe

 

Is waaste ki aur ghate mol jins ka..

Matalub un ko dil thaa jigar dekhte rahe

 

Samaan-e-sad-hazaar tamashaa thi be-khudi

Aankhe(n) thee band aur "Asar" dekhte rahe


 Daagh Duniyaa ne Diye, zakhm zamaane se mile!

daaG duniyaa ne diye zaKhm zamaane se mile
ham ko ye tohafe tumhe.n dost banaane se mile

ham tarasate hii taraste hii tarasate hii rahe
vo falaane se falaane se falaane se mile

Khud se mil jaate to chaahat kaa bharam rah jaataa
kyaa mile aap jo logo.n ke milaane se mile

kaise maane ke unhe.n bhuul gayaa tuu ai 'Kaif'
un ke Khat aaj hame.n tere sarahaane se mile


 Ajeeb tajrubaa thaa, bheed se guzarne ka

ajiib tajurbaa thaa bhii.D se guzarane kaa
use bahaanaa milaa mujh se baat karane kaa

phir ek mauj use khii.nch le ga_ii tah-e-aab
tamaashaa Khatm huaa Duubane ubharane kaa

[tah-e-aab = underwater]

mujhe Khabar hai ki rastaa mazaar chaahataa hai
mai.n Khastaa-paa sahii lekin nahii.n Thaharane kaa

[Khastaa-paa = tired]

thamaa ke ek bikharataa gulaab mere haath
tamaashaa dekh rahaa hai vo mere Darane kaa

ye aasmaa.N me.n siyaahii bikher dii kis ne
hame.n thaa shauq bahut is me.n ra.ng bharane kaa

bas ek chiikh girii thii pahaa.D se yakalaKht
ajab nazaaraa thaa phir dhu.ndh ke bikharane kaa


 Giriftaa-dil hai.n bahut aaj tere diivaane
Nasir Kazmi

giriftaa-dil hai.n bahut aaj tere diivaane
Khudaa kare ko_ii tere sivaa na pahachaane

miTii miTii sii ummiide.n thake thake se Khayaal
bujhe bujhe se nigaaho.n me.n Gam ke afasaane

hazaar shukr ke ham ne zubaa.N se kuchh na kahaa
ye aur baat ke puuchhaa na ahal-e-duniyaa ne

baqadr-e-tashnaa-labii pursish-e-vafaa na hu_ii
chhalak ke rah gaye terii nazar ke paimaane

Khayaal aa gayaa maayuus rahaguzaaro.n kaa
palaT ke aa gaye ma.nzil se tere diivaane

kahaa.N hai tuu ke tere i.ntazaar me.n ai dost
tamaam raat sulagate rahe dil ke viiraane

ummiid-e-pursish-e-gamkis se kiijiye ‘Nasir’
jo mere dil pe guzaratii hai ko_ii kyaa jaane


 Vo dil navaaz hai nazar shanaas nahii.n
Nasir Kazmi

vo dil navaaz hai nazar shanaas nahii.n
meraa ilaaj mere chaaraagar ke paas nahii.n

ta.Dap rahe hai.n zabaa.N par ka_ii savaal magar
mere liye ko_ii shayaan-e-iltamaas nahii.n

tere ujaalo.n me.n bhii dil kaa.Np kaa.Np uThataa hai
mere mizaaj ko aasuudagii bhii raas nahii.N

kabhii kabhii jo tere qurbme.n guzare the
ab undino.n kaa tasavvur bhii mere paas nahii.n

guzar rahe hai.n ajab marhalo.n se diidaa-o-dil
sahar kii aas to hai, zi.ndagii kii aas nahii.n

mujhe ye Dar hai ki terii aarazuu na miT jaaye
bahut dino.n se tabiyat merii udaas nahii.n


 kyaa bhalaa mujhako paraKhane ke natiijaa nikalaa
Muzaffar Warsi

kyaa bhalaa mujhako paraKhane ke natiijaa nikalaa
zaKhm-e-dil aap kii nazaro.n se bhii geharaa nikalaa

to.Dakar dekh liyaa aaiinaa-e-dil tuune
terii suurat ke sivaa aur bataa kyaa nikalaa

tishnagii jam gaii patthar kii tarah ho.nTo.n par
Duub kar tere dariyaa me.n mai.n pyaasaa nikalaa

 


 kaash Khwaabo(n) hi mein aa jaao bahot tanha hoon

Nyay Sharma

kaash Khwaabo(n) hi mein aa jaao bahot tanha hoon

Ya mere zehan se yaado(n) ke diye gul kar do..

mere ahsaas ki duniyaa ko mitaa do hum-dum..

raat taare nahi, angaare liye aati haiin

baraste huwe sholo(n) ko bujhaad o hum-dum

dil ki dharkan ko sulaa jaao, bahot tanha hoon

Andheri rat mein jab chaadn khilne lagta hai

tumhaare pyaar ke deepak jalaa ke rota hoon..

Tumhaare aane ki jab aaas jaane lagtee hai..

mien in chiraago(n) ko khud hi bujhaa ke rota hoon

Zindgi aisi mita jaao bahot tanha hoon

Sochte Sochte, jab soch bhi marr jaati hai

waqt ke qadmo(n) ki aahat to sunaa karta hoon

ashq tham`te hai to aaho(n) ko sunaa karta hoon

Raat bhar yu hi tadaptaa hoon jalaa karta hoon...

Baar-e-Gham kuch to ghataa jaao, Bahot tanhaa hoon


 Mere aansoo`on pe nazar na kar, mera shikva sun le khafaa na ho

Kaif Akrami

Mere aansoo`on pe nazar na kar, mera shikva sun le khafaa na ho

Us se zindgi ka bhi haq nahi, jise dard-e-ishw milaa na ho

 

Ye Inaayate(n), Ye nawaazishe(n), mere dard-e-dil ki davaa nahi…

Mujhe us nazar ki talaash hai jo adaa shanaas-e-wafaa na ho…

 

Tujhe kya bataao mein be-khabar, ki hai dard-e-ishq mein kya asar,

Ye hai voh latfeef si kaifiyat, jo zubaan tak aaye, adaa na ho…

 

Ye sharaab rez-e-haseen ghataa jo hai "kaif" naazish-e-may`qadah..

Kisi tashna-kaam ki arzoo, kisi tashna lab ki duaa na ho..


 Ek cheharaa saath saath rahaa jo milaa nahee
Bashir Badr

Ek Chehraa saath saath raha, jo milaa nahi

Kisko Talaash karte, rahe, kuch pataa nahi

 

Shiddat ki dhoop, tez hawaao(n) ke ba-wajood

Mein shaakh se giraa hoon, Nazar se giraa nahi

 

Aakhir ghazal ka taaj mehal bhi hai makbara

Hum zindgi thay humko, kisi ne jiya nahi..

 

Jiski mukhaalifat huwi, mashoor ho gaya

In pattharo(n) se koi parindaa giraa nahi

 

Taareekiyo(n) mein aur chamakti hai dil ki dhoop

Soorat tamaam raat yehaan doob`taa nahi…

 

Kisne jalaai bastiyaan, bazaar kyon lute…

Mein chaand par gaya thaa, mujhe kuch pataa nahi


 

 muhabbato.n me.n dikhaave kii dostii na milaa

Bashir Badr

muhabbato.n me.n dikhaave kii dostii na milaa
agar gale nahii.n milataa to haath bhii na milaa

gharo.n pe naam the naamo.n ke saath ohade the
bahut talaash kiyaa koii aadamii na milaa

tamaam rishto.n ko mai.n ghar pe chho.D aayaa thaa
phir isake baad mujhe koii ajanabii na milaa

bahut ajiib hai ye qurbato.n kii duurii bhii
vo mere saath rahaa aur mujhe kabhii na milaa

Khudaa kii itanii ba.Dii qaayanaat me.n mai.n ne
bas ek ShaKhs ko maa.Ngaa mujhe vo hii na milaa


 

Ye chiraaG benazar hai ye sitaaraa bezubaa.N hai
Bashir Badr

ye chiraaG benazar hai ye sitaaraa bezubaa.N hai
abhii tujhase milataa julataa koii duusaraa kahaa.N hai

vahii shaKhs jisape apane dil-o-jaa.N nisaar kar duu.N
vo agar Khafaa nahii.n hai to zaruur badagumaa.N hai

kabhii paa ke tujhako khonaa kabhii kho ke tujhako paanaa
ye janam janam kaa rishtaa tere mere daramiyaa.N hai

mere saath chalanevaale tujhe kyaa milaa safar me.n
vahii dukh bharii zamii.n hai vahii Gam kaa aasmaa.N hai

mai.n isii gumaa.N me.n baraso.n ba.Daa mutma_in rahaa huu.N
teraa jism betaGaiyyur hai meraa pyaar jaavidaa.N hai

[mutma_in = satisfied; betaGaiyyur = unchanged; jaavidaa.N = eternal]

u.nhii.n raasto.n ne jin par kabhii tum the saath mere
mujhe rok rok puuchhaa teraa hamasafar kahaa.N hai


chaa.Nd ke saath kaii dard puraane nikale
Amjad Islam Amjad

chaa.Nd ke saath kaii dard puraane nikale
kitane Gam the jo tere Gam ke bahaane nikale

fasl-e gul aaii phir ik baar asiiraan-e-vafaa
apane hii Khuun ke dariyaa me.n nahaane nikale

hijr ki choT ajab sa.ng-shikan hotii hai
dil kii befaiz zamiino.n se Khazaane nikale

umr guzarii hai shab-e-taar me.n aa.Nkhe.n malate
kis ufaq se meraa Khurshiid na jaane nikale

kuu-e-qaatil me.n chale jaise shahiido.n kaa juluus
Khvaab yuu.N bhiigatii aa.Nkho.n ko sajaane nikale

dil ne ik iiTh se taamiir kiyaa taaj-mahal
tuu ne ik baat kahii laakh fasaane nikale

dasht-e tanahaaii-e-hijraa.N me.n kha.Daa sochataa huu.N
haae kyaa log meraa saath nibhaane nikale

mai.n ne "Amjad" use bevaastaa dekhaa hii nahii.n
vo to Khushbuu me.n bhii aahaT ke bahaane nikale


 dil ke dariyaa ko kisii roz utar jaanaa hai
Amjad Islam Amjad

dil ke dariyaa ko kisii roz utar jaanaa hai
itanaa besimt na chal laut ke ghar jaanaa hai

us tak aatii hai to har chiiz Thahar jaatii hai
jaise paanaa hii use asl me.n mar jaanaa hai

bol ai shaam-e-safar ra.ng-e-rihaaii kyaa hai
dil ko rukanaa hai ki taaro.n me.n Thahar jaanaa hai

kaun ubharate hue mahataab kaa rastaa roke
usako har taur suu-e-dasht-e-sahar jaanaa hai

mai.n khilaa huu.N to isii Khaak me.n milanaa hai mujhe
vo to Khushbuu hai use agale nagar jaanaa hai

 

vo tere husn kaa jaaduu ho ke meraa Gam-e-dil
har musaafir ko isii ghaaT utar jaanaa hai

mastii bharii nazar kaa nashaa hai mujhe abhii
ye jaam duur rakh do pii luu.Ngaa phir kabhii

dil ko jalaa ke bazm ko raushan na kiijiye
us mahajabii.n ko aane me.n kuchh der hai abhii

ham ne to ashk pii ke guzaarii hai saarii umr
ham se Khafaa hai kis liye aaKhir ye zi.ndagii

jaam-e-subuu ko duur hii rahane de saaqiiyaa
mujh ko utaaranaa hai kal kaa nashaa abhii


 Tarz jiine kaa sikhatii hai mujhe
Khalil Ur Rahman Azmi

Tarz jiine kaa sikhatii hai mujhe
tashnagii zahar pilaatii hai mujhe

raat bhar rahatii hai kis baat kii dhun
na jagaatii hai na sulaatii hai mujhe

ruuThataa huu.N jo kabhii duniyaa se
zi.ndagii aake manaatii hai mujhe

aa_iinaa dekhuu.N to kyuu.Nkar dekhuu.N
yaad ik shaKhs kii aatii hai mujhe

ba.nd karataa huu.N jo aa.Nkhe.n kyaa kyaa
roshanii sii nazar aatii hai mujhe

ko_ii mil jaaye to raastaa kaT jaaye
apanii parachaa_ii Daraatii hai mujhe

ab to ye bhuul gayaa kis kii talab
des parades phiraatii hai mujhe

kaise ho Khatm kahaanii Gam kii

ab to kuchh nii.nd sii aatii hai mujhe


 Ishq kya cheez hai, ye poochiye parvaane se…

Ishq kya cheez hai ye poochiye parvaane se…

Zindgi jis koi mayassar huwi jal jaane se…

 

Maut ka khauf ho kya ishq ke deewaane ko…

Maut khud kaamp`tee hai ishq ke deewaane se..

 

Ho gaya dher wahi aah bhi nikli na koi

Jaane kya baat kahi shamma ne parwaane se…

 

Husn be-ishq kahi reh nahi sakta zindaa

Bujh gayee shamaa bhi parwaane se jal jaane se

 

Khaaye jaati hai nidaamat mujhe is ghaflat ki…

Hosh mein aa ke chalaa aaya hoon maikhaane se…

 

Kar diya gardish-e-aiyaam ne ruswaa "Saahir"

Mujh ko shikwaa hia yagaane se na be-ghaane se..


 Haadsay kya kya tumhaari berukhi se ho gaye….

Haadsay kya kya tumhaari berukhi se ho gaye

Sari duniya ke liye hum ajnabi se ho gaye….

 

Gardish-e-dauraa(n), Zamaane ki nazar aankho(n) ki neend

Kitne dushman ek rasm-e-dosti se ho gaye…

 

Kuch tumhaare geysoo(n) ki barhami ne kar diya

Kuch andhere mere ghar mein raushni se ho gaye…

 

Yu to hum aagaah thay, saiyaad ki tadbeer se..

Hum aasir-e-daam-e-gul apni khudi se ho gaye..

 

Har qadam "Saagar" nazar aane lagi hai manzile(n)

Marhaley tay meri kuch aavaragi se ho gaye…


hairat se tak rahaa hai jahaan-e-vafaa mujhe
Sagar Nizami

hairat se tak rahaa hai jahaan-e-vafaa mujhe
tum ne banaa diyaa hai mohabbat me.n kyaa mujhe

har ma.nzil-e-hayaat se gum kar gayaa mujhe
mu.D mu.D ke raah me.n vo teraa dekhanaa mujhe

kaif-e-Khudii ne mauj ko kashtii banaa diyaa
hosh-e-Khudaa hai ab na Gam-e-naaKhudaa mujhe

saaqi bane huye hai.n vo "Sagar" shab-e-visaal
is vaqt koii meri kasam dekhtaa mujhe


yuu.N na rah rah kar hame.n tarasaa_iiye

Saghar Nizami

Yu ne reh-reh kar hume Tarsaaiye..

Aaiye, aa jaaiye, aa jaaiye…

 

Phir wahi daanista thokar khaaiye…

Phir meri aagosh mein girr jaaiye…

 

Meri duniya muntazir hai aapki…

Apni duniya chod kar aa jaaiye…

 

Ye hawa, "Saaghar ye halki chaandi,

Jee mein aata hai yahee marr jaaiye…


 

 Pyaas voh dil ki bujhaane kabhi aaya bhi nahi

Qateel Shifaai

Pyaas voh dil ki bujhaane kabhi aaya bhi nahi

Kaisa baadal hai jis ka koi saya bhi nahi

 

Berukhi is se badii aur bhalaa kya hogi...

ek muddat se hume us ne sataaya bhi nahi

 

Roz aata hia dar-e-dil pe vo dastak dene

Aaj tak humne jise paas bulaaya bhi nahi

Sun liye kaise khudaa jaane zamaane bhar ne

Voh fasaane jo kabhi humne sunaaya bhi nahi

 

Tum to shaayar ho "qateel" aur voh ek aam sa shaks...

us ne chahaa bhi tujhe aur jataaya bhi nahi


 garmii-e-hasarat-e-naakaam se jal jaate hai.n
Qateel Shifai

 

garmii-e-hasarat-e-naakaam se jal jaate hai.n
ham charaaGo.n kii tarah shaam se jal jaate hai.n

bach nikalate hai.n agar aatih-e-sayyaad se ham
sholaa-e-aatish-e-gulafaam se jal jaate hai.n

Khudanumaa_ii to nahii.n shevaa-e-arabaab-e-vafaa
jin ko jalanaa ho vo aaraaam se jal jaate hai.n

shamaa jis aag me.n jalatii hai numaa_ish ke liye
ham usii aag me.n gumanaam se jal jaate hai.n

jab bhii aataa hai meraa naam tere naam ke saath
jaane kyuu.N log mere naam se jal jaate hai.n

rabtaa baaham pe hame.n kyaa na nahe.nge dushman
aashanaa jab tere paiGaam se jal jaataa hai


 Intezaar
raat bhar diidaa-e-Gam-naak me.n laharaate rahe

Makhdoom Moinuddin

 

raat bhar diidaa-e-Gam-naak me.n laharaate rahe
saa.Ns kii tarah se aap aate rahe, jaate rahe

Khush the ham apanii tamannaao.n kaa Khvaab aayegaa
apanaa aramaan bar-afga.ndaa naqaab aayegaa

[bar-afga.ndaa = without covering/unveiled]

nazare.n niichii kiye sharmaaye huye aayegaa
kaakule.n chehare pe bikharaaye huye aayegaa

[kaakule.n = curls of hair]

aa ga_ii thii dil-e-muztar me.n shakebaa_ii sii
baj rahii thii mere Gam-khaane me.n shahanaa_ii sii

[muztar = restless; shakebaa_ii = peace]

shab ke jaage huye taaro.n ko bhii nii.nd aane lagii
aap ke aane kii ik aas thii ab jaane lagii

subah ne sej se uThate huye lii a.ngaraa_ii
o sabaa tuu bhii jo aa_ii to akele aa_ii

[sabaa = breeze]

mere mahabuub merii nii.nd u.Daane vaale
mere masajuud merii ruuh pe chhaane vaale

[masajuud = to whom one bows/worships]

aa bhii jaa taake mere sajado.n kaa aramaa.N nikale
aa bhii jaa ke tere qadamo.n pe merii jaa.N nikale

____________________________________________________________

 aaj tum se bichha.D rahaa huu.N

Sudarshan Faakir

aaj tumse bichad raha hoon,aaj kehtaa hoon phir miloonga tumse...

aaj mera intezaar karti raho...

aaj ka aitbaar karti raho

Log Kehtay hai waqt chaltaa ha

iaur insaan bhi badaltaa hai

kaash ruk jaaye waqt aaj ki raat...

aur badle na koi aaj ke baad

Waqt badle, ye dil na badlega,tum se rishtaa kabhi na tootega...

tum hi khushboo ho meri saanso(n) ki..

tum hi manzil ho mere sapno ki...

Log Bu`ntay hai pyaar ke sapne

aur sapne bikhar bhi jaate hai..

ek ehsaas hi to hai ye wafa..

aur ahsaas marr bhi jaate hain...

 


 fal-safe ishq me.n pesh aaye savaalo.n kii tarah
Sudarshan Faakir

fal-safe ishq me.n pesh aaye savaalo.n kii tarah
ham pareshaa.N hii rahe apane Khayaalo.n kii tarah

shiishaagar baiThe rahe zikr-e-masiihaa lekar
aur ham TuuT gaye kaa.Nch ke pyaalo.n kii tarah

jab bhii a.njaam-e-muhabbat ne pukaara Khud ko
vaqt ne pesh kiyaa ham ko misaalo.n kii tarah

zikr jab hogaa muhabbat me.n tabaahii kaa kahii.n
yaad ham aaye.nge duniyaa ko havaalo.n kii tarah

_______________________________________________________________________

 jis mo.D par kiye the ham intazaar baraso.n
Sudarshan Faakir

 

jis mo.D par kiye the ham intazaar baraso.n
usase lipaT ke roe diivaanaavaar baraso.n

tum gulasitaa.N se aae zikr-e-Khizaa.N hii laae
hamane kafas me.n dekhii fasl-e-bahaar baraso.n

hotii rahii hai yuu.N to barasaat aa.Nsuuo.n kii
uThate rahe hai.n phir bhii dil se Gubaar baraso.n

vo sa.ng-e-dil thaa koii begaanaa-e-vafaa thaa
karate rahe.n hai.n jisakaa ham intazaar baraso.n

 


 
merii zubaa.N se merii daastaa.N suno to sahii
Sudarshan Faakir

merii zubaa.N se merii daastaa.N suno to sahii
yaqii.N karo na karo meherbaa.N suno to sahii

chalo ye maan liyaa mujrim-e-mohabbat hai.n
hamaare jurm kaa hamase bayaa.N suno to sahii

banoge dost mere tum bhii dushmano.n ek din
merii hayaat kii aah-o-fuGaa.N suno to sahii

labo.n ko sii ke jo baiThe hai.n bazm-e-duniyaa me.n
kabhii to unakii bhii Khamoshiyaa.N suno to sahii

kahoge vaqt ko mujarim bharii bahaaro.n me.n
jalaa thaa kaise meraa aashiyaa.N suno to sahii


 

 hamaare un ke maraasam kii baat mat puuchho
Wajida Tabassum

 

hamaare un ke maraasam kii baat mat puuchho
ye silasilaa to kahii.n duur jaa.N se milataa hai

hai apane muqaddar kii baat kyaa kahiye
hamaare zaKhm ko maraham kahaa.N se milataa hai

hamaare pyaar ke qisse galii galii bikhare
ye maratabaa ba.De suud-o-ziyaa.N se milataa hai

sitaro.n jaisii ye aa.nkhe.n ye chaa.Nd sa cheharaa
tumhaaraa silasilaa kuchh aasamaa.N se milataa hai

hamaaraa zikr kitabo.n me.n Dhuu.NDhane vaalo
hamaaraa zikr to sare jahaa.N se milataa hai


 aage ba.De na qissaa-e-ishq-e-butaa.N se ham
Altaf Husain Hali

aage ba.De na qissaa-e-ishq-e-butaa.N se ham
sab kuchh kahaa magar na khule raazadaa.N se ham

ab bhaagate hai.n saayaa-e-ishq-e-butaa.N se ham
kuchh dil se hai.n Dare hue kuchh aasmaa.N se ham

ha.Nsate hai.n usake giriiyaa-e-beiKhtiyaar par
bhuule hai.n baat kahake koii raazadaa.N se ham

ab shauq se bigaa.D kii baate.n kiyaa karo
kuchh paa gaye hai.n aap kii tarz-e-bayaa.N se ham

jannat me.n tuu nahii.n agar ye zaKhm-e-teG-e-ishq
badale.nge tujhako zi.ndagii-e-jaavidaa.N se ham


 
mariiz-e-muhabbat u.nhii.n kaa fasaanaa

Qamar Jalalvi

 

mariiz-e-muhabbat u.nhii.n kaa fasaanaa
sunaataa rahaa dam nikalate nikalate

magar zikr-e-shaam-e-alam jab bhii aayaa
chiraaG-e-sahar bujh gayaa jalate jalate

iraadaa thaa tark-e-muhabbat kaa lekin
fareb-e-tabassum me.n phir aa gaye ham

abhii khaake Thokar sambhalane na paaye
ki phir khaa_ii Thokar sambhalate sambhalate

u.nhe.n Khat me.n likhaa thaa dil muztarib hai
javaab un kaa aayaa muhabbat na karate

tumhe.n dil lagaane ko kisane kahaa thaa
bahal jaayegaa dil bahalate bahalate

vo mehamaa.N rahe bhii to kab tak hamaare
hu_ii shammaa gul aur Duube sitaare

"Qamar" is qadar un ko jaldii thii ghar kii
vo ghar chal diye chaa.Ndanii Dhalate Dhalate


 

 
tark-e-muhabbat par bhii hogii unko nidaamat ham se ziyaadaa

Shamim Jaipuri

tark-e-muhabbat par bhii hogii unko nidaamat ham se ziyaadaa
kis ne kii hai kaun karegaa un se muhabbat ham se ziyaadaa

hamane maanaa aap me.n hogii sabr kii taaqat ham se ziyaadaa
dekhiye lekin utarii hu_ii hai aap kii suurat ham se ziyaadaa

uff vo tabassum halkaa halkaa haaye vo bhiigii bhiigii palake.n
vaqt-e-ruKhsat un pe giraa.N thaa lamahaa-e-ruKhsat ham se ziyaadaa

ko_ii tamannaa ko_ii masarrat dil ke qariib aane hii na dii
kisane kii hai ishq me.n yaaro.n Gam se muhabbat ham se ziyaadaa

 


 na Khauf-e-barq na Khauf-e-sharar lage hai mujhe
Malikzada Manzoor

 

na Khauf-e-barq na Khauf-e-sharar lage hai mujhe
Khud apane baaG ke phuulo.n se Dar lage hai mujhe

[Khauf = fear; barq = lightning; sharar = spark of fire/ember]

ajiib dard kaa rishtaa hai saarii duniyaa me.n
kahii.n vo jalataa huaa makaa.N apanaa hii ghar lage hai mujhe

mai.n ek jaam huu.N kis kis ke ho.nTh tak pahu.Nchuu.N
Gazab kii pyaas liye har bashar lage hai mujhe

[jaam = wine goblet; Gazab = very strong; bashar = human being]

taraash letaa huu.N us se bhii aa_iin-e-"Manzoor"
kisii ke haath kaa patthar agar lage hai mujhe

[taraashanaa = to shape or carve]